Camorra

Camorra, brano contenuto nel CD Scantu.

Testo e Musica di Maria Ylenia Trozzolo e Raffaele Cardone

Sono un affiliato della camorra, della mafia, della ‘ndrangheta perché le nutro con i miei soldi, perché le uso come intermediarie tra me e i miei piaceri le mie debolezze e le mie paure.

Vache a Scampia a accattà a ‘rrobba e dico a Giggino ‘o spacciatore: Giggì m’ arraccummanne trattame bbuono… ‘a meglia rrobba lle a rà a ‘mme.

Tengo ‘na putechella, tiro annanze comme se pò. Nun pave manche tutte e tasse, ma o pizzo chille si, puntuale comme ‘a morte, o ‘pave tutte e mise. Cche s’adda fà pe’ campà!

Sto ‘ncoppa a Domiziana, Uaneme che bella coscia ca’ tene chella nera: jurnata furtunata, tengo pure e sorde pe ma fa!

Sto ‘ncoppa all’asse mediano e ce sta n’ato incendio tossico. E chi se ne fotte, tanto ‘o fumme mica arriva vicine a casa mia.

M’aggio accattate ‘na casa abbusiva, aggia fatte n’affare. All’assessore c’aggio fatte nu piaciere capisce a ‘mme… A cchiuse tutte e duje l’uocchie!

E’ overo che è borse faveze e fanne dinte ‘e vasce e ce stanne cristiani ca faticano notte e juorne. Sai cche ti dico? ‘ccu sta borsa faragge nu figurone uà, pare proprio overe.

Aggio affittato ‘na stanza a sei rumeni a treciento euro all’uno. Mannaggia bbubbà aggia avute accatta tre liette a castello ‘ppe cce fa trasì tutte quante.

So turnate ‘e sigaretta miezz’avia. Embè io sparagne ‘e tuttu quante hanno ‘a campà.

Ma che vvuò fa differenziata, tante chille ammeschene tutte cose, ma a mme chi m’o ffa fà.

O bigliette d’o pulmanne? A cape che te dice! Tante chi te ferme… si nu scemo a ro pavà.

Uaneme quanta botte aggie accattate ‘ncoppe a bancarella ‘e Ciruzzo, tene ‘e botte bone, pur ‘a capa ‘e Lavezzi.

Camorra, tiene pane, acqua e farina, Camorra, si ‘a fatica ‘e ogni matina
Camorra, strade, sorde e istituzioni, Camorra, carte faveze e corruzione

Camorra, tu m’affunne e vuò rispetto, Camorra, io c’allucche pe’ dispietto
Camorra, tu ce tiene ‘ncatenato, Camorra, stu destine l’e fermate

Camorra, sta nu popolo ca chiagne, Camorra, n’ata vocca ca te chiamma
Camorra, Tu ch’e fatte sta nazione, Camorra, e futtute ogni persone.

Nun me fai paura. Nun me fai paura. Nun ce fai paura. Nun ce fai paura.